Փրկարար ծառայությունը դեկտեմբերի 14-ին, ժամը 23.34-ին տեղեկություն է ստացել, որ միջպետական Մ-2 ավտոճանապարհի Երեւան-Մասիս հատվածում («Կոնտինենտալ» ռեստորանային համալիրի մոտակայք), վթար է եղել:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում «ԳԱԶել» մակնիշի 3798S պետհամարանիշով ավտոմեքենան դուրս է եկել ճանապարհի երթեւեկելի հատվածից, բախվել ճամփեզրի արգելապատնեշին եւ կողաշրջվել, ինչի հետեւանքով ուղեւոր՝ 2002 թ. ծնված Ա. Ս.-ը, ստանալով տարբեր աստիճանի մարմնական վնասվածքներ, հոսպիտալացվել է Մասիսի ԲԿ, որտեղ ստանալով համապատասխան բուժօգնություն՝ դուրս է գրվել:
Հրշեջ-փրկարարները դադարեցրել են գազի արտահոսքը, հոսանքազրկել ավտոմեքենան, այնուհետեւ ուղղել այն:
