Հաղթանակ թաղամասի գերեզմանատանը դեկտեմբերի 11-ին՝ օրը ցերեկով, երկու տղամարդ հարբած քաշքշել, հայհոյել են իրար, կրակոցի ձայն է լսվել: Այս մասին NEWS.am-ը տեղեկացավ ոստիկանությունից:
Դրանից րոպեներ անց Մալաթիա բժշկական կենտրոնի բակ է մտել մի տաքսի, ոստիկանություն ահազանգ է ստացվել, որ որովայնի հրազենային վնասվածքով իրենց մոտ է տեղափոխվել 40-ին մոտ տղամարդ: Ոստիկանները չհասցրին նրա հետ զրուցել, անմիջապես վիրահատարան տարան: Ակնհայտ էր, որ նա փորձում էր թաքցնել իրական հանգամանքները: Այնուհետեւ պարզվեց, որ նրան վնասվածք հասցնողը ընկերն է՝ Շիրակ Ավետիսյանը, ով նախկինում սպանության համար դատապարտվել է: Նա եւ տուժողը տարիների ընկերներ էին, բանտ էին նստել, հաց կիսել, դեպքի օրն էլ իրար հետ խմել էին, վիճեցին կենցաղային հարցերի շուրջ եւ ընկերը ընկերոջ վրա կրակել է, այնուհետեւ հասցրել հիվանդանոց:
Մանրամասները՝ տեսանյութում: