Սպառողների ասոցացիայի նախագահ Արմեն Պողոսյանը այսօր լրագրողներին հայտարարեց, որ Երեւանի քաղաքապետ Գագիկ Բեգլարյանի հետ քննարկել է մայրաքաղաքի միկրոավտոբուսների քանակի հարցը ու հավաստիացումներ ստացել, որ դրանց թիվը առաջիկա 2 տարում կկրճատվի 50 տոկոսով: Ներկայում Երեւանում երթուղիների 90 տոկոսը սպասարկում են միկրոավտոբուսները, որոնց պետք է փոխարինեն ավտոբուսները: Ըստ նախնական պայմանավորվածութան` 100 ավտոբուսից բաղկացած առաջին խմբաքանակը Հայաստան կբերվի 2 ամսից:
Պողոսյանի տեղեկություններով` երթուղիները սպասարկող շատ ընկերություններին տրված թույլտվության ժամկետն ավարտման փուլում է: Նրա կարծիքով` երթուղայինների տերերին պետք է զգուշացնել, որ թույլտվության ժամկետը չի երկարացվելու:
