Սյունիքի մարզի Տաթեւ գյուղի բնակիչ, 49-ամյա Կամո Հարությունյանը մեղադրվում է դանակահարության մեջ:
Դեկտեմբերի 7-ին «Գորիս» բժշկական կենտրոն է դիմել Տաթեւ գյուղի մի բնակիչ եւ հայտնել, որ կրծքավանդակը վնասել է ընկնելու հետեւանքով: Շուտով պարզ է դարձել, որ տուժողը վանսվածքը ստացել է դանակից: Տաթեւ գյուղ մեկնած ոստիկանները պարզել են, որ դանակահարությանը նախորդել է վիճաբանություն, իսկ դանակահարողն էլ նույն գյուղի բնակիչ Կամո Հարությունյանն է: Վերջինը բերման է ենթարկվել ոստիկանություն եւ տվել խոստովանական բացատրություն:
Տուժողն էլ իր հերթին հիշել է, որ վնասվածքը ստացել է ոչ թե ընկնելու հետեւանքով, այլ Կամո Հարությունյանն է իրեն դանակով հարվածել:
«Բալկոնում կանգնած զրուցում էինք, ինձ հայհոյեց, իրար մի քիչ բրդեցինք, դանակով խփեց»,- պատմել է տուժածը:
Կամո Հարությունյանին մեղադրանք է առաջադրվել Քրեական օրենսգրքի 112-րդ հոդվածի 1-ին մասով: Նա կալանավորված է:
Մանրամասները՝ ոստիկանության պատրաստած տեսանյութում:
