Ռուսաստանում փոքրիկ շան տերը մահացել է՝ պաշտպանելով իր սիրելի կենդանուն:
Ինչպես հաղորդում է lifenews.ru-ն, միջադեպը տեղի է ունեցել Սվերդլովսկի մարզի Վերին Տագիլ քաղաքում: 55-ամյա Ալեքսանդր Պերովը բակում զբոսնելիս է եղել իր փոքրի շան հետ, որը հաչացել է ոչ ադեկվատ երիտասարդի վրա: Հաջորդ օրը «վիրավորված» 29-ամյա Եվգենի Վ.-ն ներխուժել է Պերովի բնակարան: Որոշելով վրեժ լուծել «անպատկառության» համար, խուլիգանը խմիչք է օգտագործել եւ գնացել հաշիվներ պարզելու:
Բնակարանում տեսնելով շանը, 29-ամյա քաղաքացին սկսել է ոտքով հարվածել նրան: Տերը պաշտպանել է շանը եւ փորձել է դուրս վռնդել անկոչ հյուրին: Իր հերթին չարագործը սկսել է դաժանաբար ծեծել Պերովին: Ծեծից ստացած վնասվածքներից Պերովը որոշ ժամանակ անց մահացել է:
Հանցագործի նկատմամբ քրեական գործ է հարուցվել: Նրան ձերբակալել են: