ԱԺ փոխնախագահ, ՀՀԿ մամուլի խոսնակ Էդուարդ Շարմազանովն առաջարկել է տնտեսական իրավիճակի, դոլար-դրամ կտրուկ տատանումների վերաբերյալ փակ քննարկում անցկացնել Ազգային ժողովում: Այս մասին նա նշել է ԱԺ-ում լրագրողների հետ զորւյցում:
«Յուրաքանչյուր մարդու պետք է մտահոգի տնտեսության մեջ ստեղծված այս իրավիճակը եւ ես գտնում եմ, որ խնդիրը պետք է քննարկվի, բայց ֆորմատը պետք է լինի փակ ռեժիմ»,-ասել է նա ու հավելել. «Անհրաժեշտ է խորը տնտեսական քննարկում: Եթե մենք պետք է նստենք ու իրար մեղադրենք, զգացմունքային հայտարարություններ անենք, մեր խնդիրը դա չէ»:
Հիշեցնենք, որ ԱԺ ոչ իշխանական ուժերը (ԲՀԿ, ՀԱԿ, «Ժառանգություն», ՕԵԿ) երեկ՝ դեկտեմբերի 16-ին հայտարարել են, որ նախաձեռնում են ԱԺ արտահերթ նիստ՝ քննարկելու համար գնաճի և դոլարի փոխարժեքի կտրուկ աճի խնդիրները: