Գեղարքունիքի մարզի, Մարտունի քաղաքում, դեկտեմբերի 16-ին երեկոյան ուշագրավ դեպք է տեղի ունեցել: Մարտունու հարկային տեսչության աշխատակիցները ծեծի են ենթարկվել գիշերային ակումբներից մեկում:
Բանն այն է, որ նրանք գիշերը, ժամը 22:00-ի սահմաններում այցելել են ակումբ` ստուգելու ակումբի գործունեության օրինականությունը: Ակումբի սեփականատերերի հետ վիճաբանություն է սկսվել, որ վերածվել է ծեծկռտուքի:
Հարկայինի աշխատակիցները ահազանգել են, թե իրենց ծեծի են ենթարկել, բայց թե իրենք ինչու են գիշերվա ժամին մասնագիտական պարտքը կատարել, կպարզվի քննության արդյունքում:
NEWS.am-ի տեղեկությունը հաստատել են ոստիկանության լրատվական ծառայությունից:
