Brent BR1 տեսակի նավթի արժեքը ICE լոնդոնյան բորսայի աճուրդներում բարելի դիմաց 60 դոլարից բարձրացել է:
Երեւանի ժամանակով 12:10-ին հունվարյան ֆյուչերսային գործարքը աճել է 0,6%-ով՝ կազմելով բարելի դիմաց 60,37 դոլար, հաղորդում է «Փրայմը»:
Ավելի վաղ, ԱՄՆ-ի նավթի պաշարների վիճակագրական տվյալներով՝ նավթի համաշխարհային գները բացասական շարժընթաց էին արձանագրել:
Մասնավորապես, Brent տեսակի հունվարյան ֆյուչերսների արժեքը նվազել էր մինչեւ 59,75 դոլար, WTI տեսակի թեթեւ նավթի հունվարյան ֆյուչերսներ արժեքը՝ միչեւ 54,78 դոլար:
Նավթի ամերիկյան ինստիտուտի տվյալներով՝ անցած շաբաթ երկրում սեւ ոսկու պաշարները աճել են 1,9 մլն բարելով, բենզինինը՝ 2,8 մլն բարելով:
