Ազգային ժողովի ՀԱԿ խմբակցության պատգամավոր Նիկոլ Փաշինյանը Կառավարությանը առաջարկում է գոնե հունվարի 1-2-ը եւ 6-7-ը լինեն ոչ աշխատանքային: Այս մասին նա հայտարարել է ԱԺ նիստի ժամանակ:
Նրա խոսքով՝ դոլար-դրամ վայրիվերումների ֆոնին առավել անհասկանալի է Կառավարության որոշումը՝ 12 ոչ աշխատանքային օր հայտարարելու մասին, քանի որ այդ օրերին բանկային համակարգը, պետական ողջ համակարգը առանց այն էլ անվերահսկելի իրավիճակից ավելի շատ դուրս կգա վերահսկողությունից: Նա նշեց, որ սա կարող է հարմար առիթ դառնալ, որպեսզի Կառավարությունը օգնի հանրությանը, որպեսզի մեռելոցների ոչ այնքան պատշաճ ավանդույթը վերանայվի: