Սոչիի Ադլերի շրջանային դատարանը շինարար Մարտիրոս Դեմերճյանին մեղավոր է ճանաչել ոստիկանների կողմից խոշտանգումների ենթարկվելու սուտ մատնության մեջ եւ դատապարտել է 300 ժամ ուղղիչ աշխատանքների:
Դեմերճյանն ապրում է Սոչիում՝ կնոջ եւ 4 երեխաների հետ: Նա մասնակցել է օլիմպիական կամավորների համար տան շինարարական աշխատանքներին՝ որպես էլեկտրիկ: 2013թ. հունիսին նա գործատուից պահանջել էր իր աշխատավարձը, փոխարենը նրան բերման էին ենթարկել գողության մեղադրանքով, եւ մի քանի ժամ ռուս ոստիկանները խոշտանգել էին, անգամ սեռական բռնություններ կիրառել:
2013թ. հոկտեմբերի 3-ին Human Rights Watch իրավապաշտպան կազմակերպոթւյունը հայտարարել էր, որ ռուսական իշխանությունները Սոչիից հարյուրավոր միգրանտների ձերբակալում եւ արտաքսում են: Հարյուրավոր մարդիկ ձերբակալվել են ոչ սլավոնական արտաքինի պատճառով:
