Ռուբլու կտրուկ անկման պատճառով Ռուսաստանը հաշված շաբաթների ընթացքում վերածվել է համաշխարհային շոփինգի կենտրոնի: Քանի որ այլ երկրների ազգային արժույթները այդչափ ուժեղ չեն էժանացել, իսկ խանութները գները վերանայում են որոշակի ուշացումներով, միեւնույն ապրանքը ռուսական մանրածախ վաճառողների մոտ ավելի էժան է, քան հայ, բելառուս, ղազախ եւ չինացի առեւտրականների մոտ:
Ռուսաստանի խոշորագույն պրոցեսինգային ընկերություններից մեկի՝ UCS-ի տվյալներով՝ նոյեմբերին Հայաստանից, Չինաստանից, Բելառուսից, Ղազախստանից եւ մեձավոր ու հեռավոր այլ երկրներից գնորդները ռուսական խանութներում կտրուկ մեծացրել են իրենց ծախսերը: Օրինակ, հայերը 2013թ. նոյեմբերի համեմատությամբ 123,64%-ով ավելի շատ են ծախսել, չինացիները՝ 85,73%-ով, բելառուսները՝ 78,31%-ով: