Պատգամավոր Սեյրան Սարոյանի ելույթը գողական չէր, այլ ժողովրդական: Այդ մասին այսօր՝ դեկտեմբերի 17-ին, խորհրդարանում հայտարարեց ԱԺ նախագահ Գալուստ Սահակյանը: Նա հավելեց, որ Սարոյանն օգտագործել է իր ծննդավայրին բնորոշ բառեր եւ արտահայտություններ:
«Ինձ համար ընդունելի է հավասարակշռված խոսքը: Սակայն եթե ժողովրդական խոսքը չլիներ, մենք չէին ունենա Տերյան եւ Թումանյան: Նրա խոսքի իմաստը մեղավորներ փնտրելու մեջ չէր, այլ համբերատար լինելու», - հավելեց Սահակյանը:
Նշենք, որ նախօրոին ՀՀԿ-ական պատգամավոր Սեդրակ (Սեյրան) Սարոյանը հայտարարել էր, որ Արամ Մանուկյանի հետ կատարվածի համար մեղավոր են նաեւ ԱԺ պատգամավորները, որոնք ժամանակին նկատողություն չեն արել եւ չեն ապտակել իրենց գործընկերոջը՝ Արամ Մանուկյանին, նախագահ Սերժ Սարգսյանին հրապարակավ հայհոյելու համար. «Արամ Մանուկյան, դու կուլտուրական տղա ես, ինչ գործ ունես խալխի մորերի հետ: Քֆուր տալ գիտես, պատասխան տալը չգիտե՞ս. մի հատ ապտակ ես մռթիդ կերել, սաղ աշխարհը խառնել ես իրար», - հայտարարել էր պատգամավորը եւ արժանացել իր խմբակցության գործընկերների ծափահարություններին: