ԱՄՆ առեւտրի նախարար Պեննի Պրիտցկերը Կուբա այցելելու հույս ունի՝ հարաբերությունները կարգավորելու շուրջ նախագահ Բարաք Օբամայի նախաձեռնություններն իրականացնելու համար: Այս մասին գրում է ՌԻԱ Նովոստի գործակալությունը:
Հիշեցնենք, որ դեկտեմբերի 17-ին ԱՄՆ-ն անսպասելիորեն որոշեց վերականգնել Կուբայի հետ դիվանագիտական հարաբերությունները, որոնք խզված են 1961 թվականից ի վեր:
Վաշինգտոնը հայտարարեց, որ առաջիկայում Հավանայում կարող է ամերիկյան դեսպանատուն բացվել: Ակնկալվող քայլերից մեկն էլ կարող լինել ԱՄՆ-ի եւ Կուբայի միջեւ բանկային եւ առեւտրային հարաբերությունների կարգավորումը: Հաղորդվում է, որ մոտ ժամանակներս Կուբայի առաջնորդ Ռաուլ Կաստրոն հանդես կգա Հավանայի եւ Վաշինգտոնի հարաբերությունների շուրջ պաշտոնական հայտարարությամբ:
