Մոսկվայի Բասմանի դատարանը հեռակա կալանավորել է «Բաշնեֆթ» ընկերության գլխավոր տնօրեն Ուրալ Ռահիմովին:
Ուրալ Ռահիմովը Բաշկիրիայի նախկին նախագահ Մուրթազ Ռահիմովի որդին է, մեղադրվում է Բաշկիրիայի վառելիքաէներգետիկ համալիրի ակտիվների հափշտակության եւ փողերի օրինականացման մեջ: Ներկայումս նա գտնվում է Ավստրիայում, որտեղ, իր պնդմամբ՝ բուժվում է:
ՌԲԿ-ի փոխանցմամբ՝ Ուրալ Ռահիմովը 2014թ. ապրիլի վերջին բացված «Բաշնեֆթի» ընկերության ապօրինի վաճառքի վերաբերյալ քրեական գործով ֆիգուրանտներից է: Վերջինս մեղադրվում է ունեցվածքի հափշտակության եւ միջոցների օրինականացման մեջ:
Սեպտեմբերի 16-ին գործով կալանավորել էին «Սիստեմա» ԲՖԿ-ի տնօրեն Վլադիմիր Եվտուշենկոյին: Վերջինս կասկածվում էր հանցավոր ճանապարհով ձեռքբերված միջոցների օրինականացման մեջ: Դատարանը Եվտուշենկոյի նկատմամբ որպես խափանման միջոց էր ընտրել տնային կալանքը:
Հոկտեմբերի վերջին հայտնի է դարձել, որ Ուրալ Ռախիմովին սպառնում է ունեցվածքի բռնագանձում: Դեկտեմբերի 17-ին տնային կալանքից ազատ էր արձակվել Վլադիմիր Եվտուշենկոն:
