Հայաստանում ոսկի որոնող բրիտանական «Orogen Gold» ընկերությունը հայտարարել է, որ երկրի հարավում Մուծքի ոսկու հանքավայրում 4000-մետրանոց հորատման ծրագիրը ավարտվել է գրաֆիկի համաձայն, բյուջեի շրջանակներում: Այս մասին հաղորդում է բրիտանական «Interactive Investor» ներդրումային կայքը:
Նշվում է, որ գլխավոր գոտում բացված անցքը հաստատել է ոսկու հանքայնացման շարունակականությունը: Հիմա պետք է հորատման ընթացքում ստացված տվյալները մշակվեն, ինչպես նաեւ հանքայնացված գոտիների մոդելավորում իրականացվի:
Բացի այդ, նախատեսվում է նախնական թեստային աշխատանքներ սկսել ոսկու արդյունահանման ձեւերի մասով:
