Ֆլորիդա նահանգի Փոլք շրջանում տղամարդը խանութում ձեւացրել է, թե սրտի նոպա է սկսվել, որպեսզի իր համախոհը կարողանա խաղալիքները գողանալ, հայտնում է New York Times-ը:
Չարագործները 30 եւ 27 տարեկան են եղել:
Տեսախցիկների կադրերում երեւում է, թե ինչպես են տղամարդիկ ապրանքների սայլակներով մոտենում խանութի մուտքին, հանկարծ նրանցից մեկը բռնում է սիրտը: Նրա շուրջ օգնության եկած մարդիկ են հավաքվում: Այդ ընթացքում նրա ուղեկիցը սայլակով դուրս է գալիս խանութից եւ ապրանքը դատարկում ավտոմեքենայում, փոխանցում է Gazeta-ն:
Ոստիկանության տվյալով՝ տղամարդիկ փորձել էին գողանալ Բարբի տիկնիկների հավաքածուից մեքենա եւ հանգստյան տուն, ինչպես նաեւ մանկական Leap Frog խաղային պլանշետ:
