Բուլղարիայի վարչապետ Բոյկո Բորիսովը հայտարարել է, որ իր երկիրը մտադիր է բոլոր անհրաժեշտ թույլտվությունները տրամադրել «Հարավային հոսքի» համար եւ կշարունակի նախագծի նախապատրաստման շուրջ աշխատանքները:
Հունիսին այն ժամանակվա վարչապետ Պլամեն Օրեշարսկին հանձնարարել էր դադարեցնել նախագիծի շրջանակներում «Հարավային հոսք» գազատարի շինարարությունը՝ Եվրահանձնաժողովի հետ խորհրդակցություններ անկացնելու նպատակով:
Բոյկոյի խոսքով՝ Բուլղարիայի հետագա քայլերի շուրջ խորհրդակցությունների ընթացքում նա ստացել մեկ պատասխան. «իրագործել միջազգային համաձայնությունները»՝ դատաքննություններից եւ տուգանող պատժամիջոցներից խուսափելու համար, հայտնում է «ՌԻԱ Նովոստին»:
Այսպիսով, մեր երկիրը հիմա կարող է իր պարտավորությունները՝ կապված կատարել նախապատրաստական միջոցառումների, հատկապես խողովակաշարի ծովային մասի հետ եւ շինարարության թույլտվություն տալ»,-ասել է Բորիսովը:
Նախարարը նշել է, որ ինքը կսպասի «Գազպրոմի» արձագանքին եւ եթե «Հարավային հոսք» նախագիծը դադարեցվի, մեղքը Բուլղարիայինը չի լինի:
Հիշեցնենք, որ դեկտեմբերի սկզբին ՌԴ նախագահ Վլադիմիր Պուտինը Թուրքիայում բանակցությունների ժամանակ հայտարարել է, որ Ռուսաստանը ներկա պայմաններում չի կարող շարունակել «Հարավային հոսքի» իրականացումը, այդ թվում ԵՄ ոչ կառուցողական դիրքորոշման պատճառով:
Թուրքիայի պահանջմունքները բավարարելու համար ՌԴ-ն նոր գազատար համակարգ կկառուցի: Ավելի ուշ «Գազպրոմի» ղեկավար Ալեքսեյ Միլլերը հաստատել էր, որ «Հարավային հոսք» նախագիծը փակվել է: