Տնտեսական անկմանն ու մրցակցությանը դիմակայելու համար շատ գործատուներ ստիպված են կրճատել աշխատատեղերը եւ փոխել աշխատակիցների աշխատաժամերը: Այդ պարագայում աշխատակիցներին քիչ հնարավորություն է մնում հմտությունների զարգացման եւ կարիերայի սանդուղքով բարձրանակլու համար: Նախկին ուսումնասիրությունները փաստում էին, որ դա նվազեցնում է մոտիվացիան եւ հիասթափեցնում, գրում է Psych Central-ը:
Միաժամանակ, Մոնաշի եւ Այհովայի համալսարանների գիտնականները պարզել են, որ միշտ չէ, որ այդպես է:
Որոշ աշխատակիցներ դրական են արձագանքում նման փոփոխություններին: Սակայն դա վերաբերում է միայն համերաշխ կոլեկտիվներին եւ այն անձանց, որոնք համապատասխանում են կազմակերպության աշխատանքին:
Գիտնականները առցանց հարցում են անցկացրել՝ պարզելու համար, թե ինչպես են աշխատակիցները վերաբերվում գործատուի տված խոստումների դրժմանը: Մասնակցել է 100 մարդ: Մասնակիցներին նախ հարցաքննել են ուսումնասիրության սկզբում, ապա՝ կես տարի անց, փոխանցում է MedDaily-ն:
Պարզվել է, որ բացասական փոփոխությունները բարձրացրել են որոշ աշխատակիցների աշխատանքի արդյունավետությունը: Նրանք աշխատանքի նոր մեթոդներ են որոնել, զարգացրել աշխատանքային թիմի հմտությունները եւ նոր նպատակներ եւ խնդիրներ դրել իրենց առջեւ:
Ըստ գիտնականների՝ գործատուները պետք է մանրակրկիտ ընտրեն աշխատակազմին եւ հետեւեն, որ նրանք համապատասխանեն կազմակերպությունում աշխատանքի պահանջներին: Դրա համար պետք է նրանց ներկայացնել ընկերության նպատակները եւ արժեքները: Բացի այդ, ղեկավարները պետք է հետեւեն, որպեսզի աշխատակիցները լավ հարաբերություններ ունենան եւ իրենց կազմակերպության մի մաս զգան:
