Հայաստանի ԱԻՆ-ում, այսօր՝ դեկտեմբերի 19-ին, ժամը 09.57-ին ահազանգ է ստացվել, որ Երեւանի Աթենքի փողոցում՝ «Հրազդան» մարզադաշտի մոտակայքում, տեղի է ունեցել ավտովթար. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում բախվել են «Օպել» մակնիշի 34 AR 566 համարանիշի (վարորդ 38-ամյա Գ. Մ.), «Լեքսուս» մակնիշի 033 MM 01 համարանիշի (վարորդ 64-ամյա Խ. Վ.) եւ «Մերսեդես» մակնիշի 03 SO 628 համարանիշի ավտոմեքենաները (վարորդ 19-ամյա Ս. Ա.). տուժածներ չկան:
Հրշեջ-փրկարարները փակել են «Օպել» եւ «Լեքսուս» մակնիշի ավտոմեքենաների գազի փականները եւ հոսանքազրկել «Մերսեդես» մակնիշի ավտոմեքենան: