Ինդոնեզական Տերնատե կղզու Համալամա հրաբխի ժայթքման հետեւանքով առնվազն 10 զբոսաշրջիկ է տուժել, եւս մեկը անհետ կորած է համարվում: Այդ մասին հաղորդել է տարերային աղետների կանխման ազգային կենտրոնը:
Իշխանությունները հարկադրված են եղել փակել հրաբխից 30 կմ հեռավորության վրա գտնվող տեղի օդանավակայանը: Ինչպես նշել են գերատեսչությունում, ժայթքումը սկսվել է դեկտեմբերի 19-ի գիշերը:
Ինդոնեզիայում մոտ 500 հրաբուխ կա, որոնցից 128-ը ակտիվ են, իսկ 65-ը համարվում են վտանգավոր, հայտնում է «ՏԱՍՍ»-ը: