ՀՀ գյուղնախարարությունը ԱՄՆ-ից եւ Գերմանիայից մասնագետների է հրավիրել բրուցելոզի դեմ պայքարելու համար: Այս մասին դեկտեմբերի 19-ի մամուլի ասուլիսում հայտարարել է ՀՀ գյուղատնտեսության նախարարի առաջին տեղակալ Գրիշա Բաղիյանը:
Ցավոք, նկատել է նա, հիվանդությունը նոր չէ Հայաստանի խոշոր եղջերավոր անասունների համար: Ամեն տարի վարակվածության շուրջ 170 դեպք է հայտնաբերվում խոշոր եղջերավոր անասունների 2,5 հազար դեպք՝ մանր եղջրավորների շրջանում:
ՄԱԿ-ի Պարենի և գյուղատնտեսության կազմակերպության հետ (FAO) ՀՀ գյուղատնտեսության նախարարությունը Սյունիքի մարզում շարունակում է բրուցելոզի դեմ պայքարի փորձնական ծրագիրը: «Մենք ուսումնասիրություն ենք կատարել նաեւ Կոտայքի մարզում, այնտեղ եղել են նաեւ արտասահմանցի փորձագետները», - հավելել է Բաղիյանը:
