Կանադական Վանկուվեր քաղաքի բնակիչն իր բնակարանում հայտնաբերել է քնած կողոպտչին: Հաղորդվում է, որ տան տերը ցնցվել է եւ ոստիկանություն կանչել: Դեպքի վայր ժամանած իրավապահները կալանավորել են անհաջողակ գողին:
Երբ բնակարանի սեփականատերը մտել է սենյակներից մեկը, բազմոցին հայտնաբերել է քնած տղամարդուն: Ավելի ուշ հայտնի է դարձել, որ բնակարան ներթափանցելուց հետո կողոպտիչը ճաշել է, հափշտակած իրերը պահել պայուսակում եւ որոշել մի փոքր քնել:
Ոստիկան Ռիչարդ Դե Իոնգը պատմել է, որ հանցագործը զարմացել է, որ նրան արթնացրել են ոստիկանները: Մոտ ժամանակներս տղամարդը կկանգնի դատարանի առաջ, հայտնում է Lenta.ru-ն:
Աշխարհի տարբեր երկրներում ոստիկանները պարբերաբար կողոպտիչներին ձերբակալում են հանցագործության վայրում քնելիս: