Հայաստանի կառավարության աշխատակազմի ղեկավար-նախարար Դավիթ Հարությունյանը կարծում է, որ ժողովուրդը չպետք է ձու գներ, երբ այն արժեր 150 դրամ:
Այսօր` դեկտեմբերի 19-ին, ՀՀԿ ԳՄ նիստից առաջ լրագրողները նախարարից հետաքրքրվեցին, թե ինչ պետք է անի այն քաղաքացին, որը տուժել է այս թանկացումներից, օրինակ ձու է գնել 150 դրամով, եւ արդյոք պետությունը փոխհատուցելու է պատճառված վնասը:
«Ես կարծում եմ` այդ պահին պետք չէր ձու գնել ուղղակի: Կարո՞ղ են լինել չարաշահումներ: Իհարկե, բայց դա չի նշանակում, որ պետությունը ի վիճակի է կամ կարող է փոխհատուցել վնասները: Պետությունն ունի իր գործիքակազմը եւ պետք է կյանքի կոչի դրանք: Ինչքանով է այն արդյունավետ, պետք է գնահատեք դուք: Բայց սա չի նշանակում, որ յուրաքանչյուր անհատ կարող է գալ եւ ասել` փոխհատուցիր իմ վնասները»,- ասաց նախարարը: