Ռուսաստանի Բուգուլմա քաղաքի №3 քննչական մեկուսարանում մահացել է «օրենքով գող» Ռաֆիս Գաբսալյամովը՝ Գրինյա Կազանսկի մականունով: Նրա մահվան փաստը հաստատել է մեկուսարանի ղեկավարի տեղակալ Անդրեյ Շեպտիցկին:
Դեկտեմբերի 10-ին դատարանը Ռաֆիս Գաբսալյամովին կես տարվա ազատազրկման էր դատապարտել խիստ ռեժիմի գաղութում՝ վարչական վերահսկողությունից խուսափելու համար: Դա Ռաֆիս Գաբսալյամովի առաջին եւ վերջին դատվածություն էր:
Նշենք, 1960թ. ծնված Ռաֆիս Գաբսալյամովն առաջին անգամ դատվել էր 1977թ.: 1995թ.-ին նրան թագադրել էին հայ «օրենքով գողերը»:
Ռաֆիս Գաբսալյամովի մասին առաջին անգամ լսել էին 90-ականների սկզբին՝ որպես կազմակերպված հանցավոր «Ժուլիկի» խմբի առաջնորդ, որը մրցում էր «Չեկիստների» հետ: Դեռեւս այն ժամանակ խմբավորումների միջեւ բախումներից սպանվել էր չորս մարդ:
