Իրաքի Մոսուլ քաղաքի մերձակայքում միջազգային կոալիցիոն ուժերի ավիահարվածների արդյունքում «Իսլամական պետության» 40 զինյալ է ոչնչացվել, հայտնում է EFE գործակալությունը:
Իրաքյան իշխանությունների տեղեկություններով՝ հարվածները հասցվել են շաբաթ գիշերը՝ լեռնային տեղանքի ուղղությամբ: Ինքնաթիռների թիրախը եղել է քրդական ռազմականացված կազմավորումների մարտիկների վրա հարձակում նախապատրաստող ծայրահեղականների խումբը, հայտնում է «Ինտերֆաքսը»:
Ամռանը «Իսլամական պետության» զինյալները Իրաքի հյուսիսում եւ արեւմուտքում, ինչպես նաեւ Սիրիայում զգալի տարածքներ են զավթել: Միջազգային կոալիցիայի ուժերը օգոստոսից ավիահարվածներ են հասնում ծայրահեղականների դիրքերի ուղղությամբ:
