Մոսկվան ջանում է ակտիվորեն նպաստել ղարաբաղյան հակամարտության կարգավորմանը։ Այս մասին հայտարարել է Ռուսաստանի արտգործնախարար Սերգեյ Լավրովը։
«Ղարաբաղյան հակամարտության մասով քիչ բան չի արվել։ Վերջերս Սանկտ Պետերբուրգում տեղի ունեցավ Ռուսաստանի նախագահ Դմիտրի Մեդվեդեւի եւ իր հայ ու ադրբեջանցի գործընկերների եռակողմ վեցերորդ հանդիպումը։ Այդ հանդիպման արդյունքներով տրվեցին լրացուցիչ հանձնարարություններ»,-ասել է նա «Միր» հեռուստաընկերությանը տված հարցազրույցում։
Նրա խոսքով, ԵԱՀԿ Մինսկի խմբի համանախագահները հույս ունեն, որ Հայաստանի եւ Ադրբեջանի ԱԳ նախարարները հուլիսի կեսերին կհանդիպեն Ալմաթայում։
