Աֆղանստանի հակամարտության հետեւանքով 2014 թվականին 3188 խաղաղ բնակիչ է զոհվել: Այս մասին շաբաթ հայտարարել են ՄԱԿ-ում: Բացի այդ, 6429 խաղաղ աֆղանցիներ վիրավորվել են:
Այս տվյալները ներկայացրել է Աֆղանստանի աջակցության ՄԱԿ-ի առաքելությունը: Ըստ «Ինտերֆաքս»-ի, ներկայացվել են այս տարեսկզբից մինչեւ նոյեմբերի տվյալները:
ՄԱԿ-ում նշել են, որ ընթացիկ տարում խաղաղ բնակիչների շրջանում զոհերի թիվը, անցյալ տարվա նույն ժամանակահատվածի համեմատ, 19%-ով ավելի է: Արեւմտյան լրատվամիջոցները նշում են, որ այս միտումը կարող է Աֆղանստանից ՆԱՏՕ-ի ուժերի աստիճանական դուրսբերման եւ թալիբների հետ տեղական անվտանգության ուժերի բախումների ակտիվացման հետեւանք լինել:
