Տուլայում զանգվածային ծեծկռտուք է տեղի ունեցել Տուլայի ֆուտբոլի «Արսենալ» ակումբի ֆանատների ու կովկասցիներ միջեւ:
Միջադեպը տեղի է ունեցել «Վավիլոն» սրճարանի մոը: Ոչ պաշտոնական տեղեկատվությամբ, ֆոնատների կողմից ծեծկռտուքին մասնակցել է մոտ 60 մարդ, իսկ կովկասցիների թիվը մոտ 40 է եղել: Տեղի մամուլի փոխանցմամբ, ակումբի անվտանգության աշխատակիցները բաժանել են կռվողներին, բայց հետո դեպքի վայր է ժամանել ֆանատների նոր խումբ , եւ ծեծկռտուքը վերսկսվել է:
Ծեծկռտուքը դադարել է այն բանից հետո, երբ դեպքի վայր են ժամանել ոստիկանության պարեկա-պահակային ծառայության եւ Տուլանի ՆԳՆ հատուկ ստորաբաժանման աշխատակիցները:
Ոստիկանությունում հայտնել են, որ բերման է ենթարկվել 18 մարդ: «Դեպքի վայրում է եղել մոտ 30 երիտասարդ, որոնք իրենց ագրեսիվ էին պահում: Նախնական տեղեկություններով, կոնֆլիկտի պատճառը եղել է երկու տղամարդկանց միջեւ կենցաղային վեճը»,-ասված է ոստիկանության հաղորդագրությունում: