Արմավիրի մարզի Էջմիածին քաղաքում ոչինչ չի թանկացել: Այս մասին այսօր` դեկտեմբերի 21-ին, մի քանի լրագրողների հետ զրույցում ասաց ԵԿՄ նախագահ, գեներալ Մանվել Գրիգորյանը` պատասխանելով NEWS.am-ի հարցին, թե ինչպես է վերաբերվում թանկացումներին:
«Շատ վատ եմ վերաբերվում, ինչ վերաբերվում է Էջմիածնին, ապա լուրերը, թե խանութներ են փակվել, չեն համապատասխանում իրականությանը: Էջմիածնում խանութ չի փակվել, անձամբ մենք վիզ ենք դրել ու անգամ հացը տասը դրամ չի թանկացել, չենք թողել»,- ասաց գեներալը:
Մեր դիտարկմանը, թե էջմիածինցիներն այլ բան են ասում, Մանվել Գրիգորյանը արձագանքեց. «Շատ բան են ասում, չար, վատ լեզուներ են, ասում են, ուզում եք` հիմա ես հարյուր հազար մարդ բերեմ, որ հակառակն ասեն»: