Ղազախստանի նախագահ Նուրսուլթան Նազարբաեւը երկրի համար տարվա գլխավոր իրադարձություններ է համարում Եվրասիական տնտեսական միության ստեղծման պայմանագիրը, ԵՄ-ի հետ խորացված գործընկերության պայմանագրի կնքումը եւ Ղազախստանի ԱՀԿ մտնելու մասին բանակցությունների ավարտը:
«Կարեւոր ձեռքբերումներ են եղել: Աստանայում մենք ստորագրեցինք ԵՏՄ ստեղծելու պայմանագիր, դա իմ գաղափարն էր, որը հայտնել էի 20 տարի առաջ ՄՊՀ-ում», — ասել է Նազարբաեւը հանրապետական հեռուստաալիքների հետ զրույցում, փոխանցում է «ՌԻԱ Նովոստին»:
Ըստ Նազարբաեւի՝ այսօր Եվրասիական միությունը մեծ վտանգի է ենթարկվում՝ ճգնաժամի կապակցությամբ: «Արդեն խոսում են, որ սա անկախության կորուստ է, եւ նորից Խորհրդային Միություն է ստեղծվում, միանգամայն անհեթեթություն: Նա ով ցանկանում է Խորհրդային Միություն ստեղծել, ընդհանրապես ուղեղ չունի: Մենք վաղուց ենք դրանից հեռացել, անհնար է. Կար մարքսլենինյան միասնական գաղափարախոսություն, այն չկա, կար կոմունիստական կուսակցություն, այն այժմ չկա, կար միասնական տնտեսական օրգանիզմ, այն այժմ չկա», — ընդգծել է նախագահը:
Նա նշել է, որ ԵՄՏ-ում առեւտուրը առաջին տարիներին աճել է մինչեւ 40%, իսկ այժմ «նվազելու է»: «Սակայն առեւտրաշրջանառությունը եւ համատեղ ձեռնարկությունների ստեղծումն արդեն լավ է, բաց սահմաններ, մարդիկ հանգիստ տեղաշարժվում են՝ առանց ստուգման, գնացքներն առանց ստուգման են գնում, բեռները, այսինքն՝ տիրույթը երեք պետության է ընդլայնվել, վերականգնվում է տնտեսությունը, եւ սա աշխատելու է ի բարօրություն բոլորիս», — կարծում է Նազարբաեւը: