Նավթի համաշխարհային գները դեկտեմբերի 22-ին դրական շարժ են արձանագրում Սաուդյան Արաբիայի էներգետիկայի նախարար Ալի ալ Նաիմիի այն հայտարարությունների ֆոնին, թե համաշխարհային տնտեսական աճը մեծացնում է «սեւ ոսկու» պահանջարկը:
Երեւանի ժամանակով 08.40-ի դրությամբ Brent տեսակի նավթի փետրվարի ֆյուչերսների գինն աճել է 1,14% -ով, մինչեւ 62,52 դոլար մեկ բարելի դիմաց: Հունվարյան ֆյուչերսների գինը WTI տեսակի նավթի համար աճել է 0,90%-ով՝ մինչեւ 58,03 դոլար մեկ բարելի դիմաց:
Դեկտեմբերի 21-ին Աբու Դաբիի խորհրդաժողովում Ալի ալ Նաիմին հայտարարել էր, որ նավթի գլոբալ ավելցուկը կապված է OPEC-ի սահմաններից դուրս նավթ արդյունահանողների միջեւ համագործակցության բացակայության հետ: Ըստ նրա՝ համաշխարհային տնտեսական աճը ավելացնում է նավթի պահանջարկը, փոխանցում է «ՌԻԱ Նովոստին»: