Ռուսաստանի նախագահ Վլադիմիր պուտինը կոչ է արել ՀԱՊԿ անդամ երկրներին պատրաստ լինել Կենտրոնական Ասիայում կանխարգելիչ միջոցառումներ իրականացնել ընդդեմ «Իսլամական պետություն» խմբավորման:
«Ընթացիկ իրադրությունը մտահոգություն է առաջացնում, հայտնվում են այսպես կոչված «Իսլամական պետության» գրոհայինների ջոկատներ, որոնք ցանկանում են Աֆղանստանի որոշ նահանգներ ներառեն, այսպես կոչված, իսլամական խալիֆաթի մեջ: Ահաբեկչական խմբավորումները փորձում են իրենց ակտիվությունը տարածել Կենտրոնական Ասիայում: Այս պայմաններում ՀԱՊԿ երկրները պետք է պատրաստ լինեն համարժեք եւ կանխարգելիչ միջոցառումների»,-այսօր՝ դեկտեմբերի 23-ին, ՀԱՊԿ խորհրդի նիստում հայտարարել է ՌԴ նախագահը:
Նրա խոսքով՝ ՀԱՊԿ ուշադրության կենտրոնում պետք է մնա Աֆղանստանի հետ սերտ համագործակցության հեռանկարը:
«Մենք շահագրգռված են տեսնել բարգավաճող, բարեկեցիկ ու չեզոք Աֆղանստան, նկատի ունենալով, որ Աֆղանստանի նոր ղեկավարությունը ակտիվորեն կաշխատի երկրում իրավիճակը կայունացնելու ուղղությամբ»,-հայտարարել է Պուտինը, հաղորդում է «ՌԻԱ նովոստին»: