Հայաստանի Կենտրոնական բանկը հունվարին պետք է նոր գործիքներ գործադրի, որպեսզի շուկայից հավաքի հայկական դրամը: Այս մասին NEWS.am-ի թղթակցի հետ զրույցում հայտարարեց «Կոնվերս Բանկի» գործադիր տնօրեն Տիգրան Դավթյանը:
Նրա խոսքով, Կենտրոնական բանկի այժմյան քաղաքակայությունը եւ նրա թիրախային արժութային միջամտությունները միանգամայն արդարացված են: ԿԲ-ն շուկան պաշտպանում է ավելորդ տատանումներից, իսկ այսօր դրանցից պաշտպանությունը կարեւոր է ավելի, քան երբեւէ: «Բոլորս տեսանք, թե ինչպես էին շատերը փորձում իրենց վերջին դրամը դոլարով փոխանակել: Այդ պատճառով, նման միջոցների բացակայության դեպքում թռիչքը կարող էր շատ ավելին լինել»,- նշեց Տիգրան Դավթյանը:
Նշենք, որ նոյեմբերի 24-ին ամերիկյան դոլարի հանդեպ հայկական դրամի փոխարժեքը 418-ից հասել է 435-ի: Դեկտեմբերի 17-ին ԿԲ-ի փոխարժեքը հասավ 571 դրամի, տարադրամի փոխանակման կետերում՝ 600 դրամի: Ներկայում փոխարժեքը նվազել է 458.5 դրամի, բանկերում՝ 470 դրամից ոչ ավելի: