ԵՏՄ-ին անդամակցելուց հետո հունվարին սպասվում է գնաճ: Այս մասին NEWS.am-ի թղթակցի հետ զրույցում ասաց տնտեսագետ Արտակ Մանուկյանը:
Նա նշեց, որ ԵՏՄ-ին անդամակցելուց հետո Ռուսաստանի դեմ կիրառվող սանկցիաները հնարավոր է եւ հավանական է, որ մեր դեմ էլ կկիրառվի, ինը կվատթարացնի վիճակը: Դրանից բացի՝ գնաճին կնպաստի նաեւ այն հանգամանքը, որ ՌԴ միջին մաքսատւրքերը ավելի բարձր են, քան Հայաստանինը: Տնտեսագետի խոսքով՝ գնաճը կապված է նաեւ գնային էլաստիկության գործակցից: Արտակ Մանուկյանը նշեց, որ ՌԴ տնտեսվարողները պատրաստ են աշխատել նոր շուկաներում, ՌԴ արտադրության ծավալները հնարավորություն կտան դեմիպինգային գների բերել քաղաքականությունը: Տնտեսագետի խոսքով՝ ՌԴ-ում բարձր գներով վաճառվող ցանկացած ապրանքի գինը կբարձրանա նաեւ Հայաստանում: Մեր երկրում սպասվող գնաճի վրա կազդի նաեւ արտարժույթի բարձրացումը: «Հունվարին կունենանք բավականաչափ մեծ գնաճ, դրան կնպաստեն ՌԴ-ի վրա սանկցիաները, արդեն ԵՏՄ-ում ապրանքների մեծ ներհոս է լինելու, իսկ եթե դրանք նախկինում ավելի էժան էին, հիմա ՌԴ-ում էլ են թանկ, դրան կավելանան նաեւ տեղափոխման ծախսերը, արտարժույթի փոխարժեքը»,-ասաց նա:
Տնտեսագետի խոսքով՝ ՌԴ-ի միտումներից դատելով՝ կնվազեն կամ նույնը կմնա էլեկտրատեխնիկայի, վառելիքի գները, բայց լայն սպառման ապրանքների դեպքում գնաճ կլինի: Կբարձրանա ցորենի գինը՝ հաշվի առնելով ՌԴ մոտեցումը եւ համաշխարհային շուկայում գնաճը:
Կնպաստի ԵՏՄ անդամակցությունը ներդրումների ավելացմանը, թե ոչ, Արտակ Մանուկյանն ասաց, որ դրական կանդրադառնա, կարող է հեռանկարային լինել զբոսաշրջության զարգացման համար:
