Իրանի զինված ուժերը հինգշաբթի մեկնարկել են բոլոր զորատեսակների մասնակցությամբ «Մուհամեդ՝ Ալլահի դեսպան» աննվանումը կրող զորավարժությունները, հաղորդում է «ԻՐՆԱ» գործակալությունը:
«Զորավարժությունների նպատակը բանակի, ավիացիայի եւ նավատորմի միջեւ փոխգործակցության եւ զորքերի կառավարման հմտությունների մշակումն է», - հայտարարել է Իրանի ցամաքային զորքերի հրամանատար, բրիգադային գեներալ Ահմադ Ռես Փուրդաստանը:
Զորաշարժերի ցամաքային շրջանն ընդգրկում է 43 հազար քկմ, ծովում վարժանքները կանցնեն Օրմուզի նեղուցի ջրատարածքում եւ Հնդկական օվկիանոսի հյուսիսային շրջանում, հայտնում է «ՏԱՍՍ»-ը:
Զորավարժությունների առաջին փուլը կանցնի դեկտեմբերի 25-26-ին՝ Սիստան եւ Բելուջիստան նահանգներում (Իրանի հարավ-արեւելք):