Լոնդոնի արեւմտյան հատվածում գտնվող Searcys բարում այս ձմեռ աշխարհի ամենաթանկ գլինտվեյնն են վաճառում: Մեկ գավաթն այստեղ արժե 60 ֆունտ սթեռլինգ: Cinnamoney Spiced Wine անվանումով ըմպելիքը պատրաստվում է գլինտվեյնի սովորական բաղադրիչներով. դարչին, նարնջի կեղեւ, մեխակ եւ դափնու տերեւ:

Այս գլինտվեյնի հիմքում, սակայն, պարզապես կարմիր գինի չէ, այլ թանկարժեք ըմպելիքների խառնուրդ. կարմիր գինի Chateau des Gravieres Bordeaux՝ Բորդոյից, Lanson Pére et Fils ֆրանսիական շամպայն, Muscat De Beaumes de Venise գինի եւ Blanche de Normandie նորմանդական կալվադոս:

Ըստ Kedem-ի, ռեկորդակիր գլինտվեյնը բարի ճաշացանկում կլինի մինչեւ 2014 թվականի դեկտեմբերի 31-ը: