Հայաստանի մաքսային բրոքերները կարող են աշխատել ԵՏՄ բոլոր մաքսային կետերում: Այս մասին NEWS.am-ի թղթակցի հետ զրույցում նշել է ՀՀ ֆինանսների փոխնախարար Սուրեն Կարայանը:
Նրա խոսքով՝ ԵՏՄ-ին Հայաստանի անդամակցության պայմանագիրը ենթադրում է 18-ճամսյա անցումային շրջան, որի ընթացքում մաքսային բրոքերները եւ ներկայացուցիչները, որոնք աշխատում են Հայաստանում, պետք է պատրաստվեն լիցենզավորման՝ ըստ Եվրասիական միության կանոնների: Մինչ այդ նրանք կարող են աշխատել առանց լիցենզիայի:
«Ընդ որում, նրանք կարող են բեռներ սպասարկել ոչ միայն Հայաստանի, այլեւ ԵՏՄ մյուս բոլոր երկրների մաքսակետերում»,-պարզաբանել է Կարայանը: