Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը տեղյակ չէ, թե հունվարի 20-ին ինչ հավաք է կազմակերպում ԲՀԿ առաջնորդ Գագիկ Ծառուկյանը։ Այսօր՝ դեկտեմբերի 25-ին, լրագրողների հետ զրույցում Շարմազանովն ընդգծեց, որ գալիք տարվա համար իշխող կուսակցությունն իր օրակարգն ունի։
«Հայոց Ցեղասպանության 100-րդ տարելից, Արցախի Հանրապետության միջազգային ճանաչում, Հայաստանի ինտեգրումը Եվրասիական տնտեսական միությանը, ժողովրդավարության զարգացումը. սրանք մեր օրակարգի կետերն են։ Բացի դրանից՝ մենք բանակցում ենք մեր եվրոպացի գործընկերների հետ, եւ կա մի երկիր, որը գալիք տարի ընդունելու է Ցեղասպանության ժխտողականության դեմ օրենք։ Թե ինչ հավաք է լինելու հունվարի 20-ին, չգիտեմ»,- ասաց Շարմազանովը։
