Կիեւում դեկտեմբերի 25-ին կայացել է Ուկրաինայի հայերի միության ամփոփիչ նիստը: Նախ ընթերցել են Ուկրաինայի նախագահ Պյոտր Պորոշենկոյի եւ վարչապետ Արսենի Յացենյուկի ողջույնի ուղերձները: Ներկաներին ողջունել են նաեւ Ուկրաինայում Հայաստանի դեսպան Անդրանիկ Մանուկյանն ու ՀԱԵ թեմի առաջնորդ Գրիգորիս արքեպիսկոպոս Բունիաթյանը:
Համաժողովի աշխատանքները գլխավորել է Ուկրաինայի հայերի միության ղեկավար Վիլեն Շատվորյանը:
Ըստ Analitikaua.net-ի, համաժողովի ընթացքում քննարկվել են արդիական հարցեր, ներկայացվել են տարածաշրջանային համայնքների նորընտիր նախագահները, կայացել է նաեւ Ուկրաինայի հայերի միության պատվոգրերի եւ շքանշանների հանձնման հանդիսավոր արարողությունը: Մանրամասն ներկայացվել են Միության պատմամշակութային ժառանգության հարցերի հանձնաժողովի գործունեությունը եւ Հայոց ցեղասպանության 100-րդ տարելիցին նվիրված միջոցառումների ծրագիրը:
Ուկրաինայի հայ երիտասարդական միության ղեկավար Վարդան Հարությունյանը պատմել է կազմակերպության՝ 2014 թվականի գործունեության մասին, խոսել 2015-ի ծրագրերից:
Համաժողովի արդյունքներով ներկայացվել են 2015 թվականի ծրագրերը: