ԱՄՆ նախագահ Բարաք Օբամայի գլխավոր խոհարար, ԱՄՆ առաջին ընտանիքի մտերիմ ընկեր Սեմ Քեսը վեց տարի աշխատելուց հետո լքել է պաշտոնը:
Քեսի հեռանալը, որը նաեւ զբաղեցնում էր ԱՄՆ վարչակազմի ավագ խորհրդականի պաշտոնը եւ մասնակցում ԱՄՆ տարրական եւ միջնակարգ կրթության ոլորտում առողջ սննդակարգ մշակելու գործընթացին, անսպասելի չէր:
Սպիտակ տունն այդ մասին հայտարարել էր դեռեւս այս ամսվա սկզբին: Քեսի որոշումը բացատրվում է ընտանեկան հանգամանքներով. ամռանը նա ամուսնացել է եւ այժմ տեղափոխվում է կնոջ՝ MSNBC-ի 36-ամյա հաղորդավարուհի Ալեքս Վեգների մոտ, որն ապրում է Նյու Յորքում, փոխանցում է ՏԱՍՍ-ը:
34 տարեկան Քեսը պատրաստվում է նախկինի պես մասնակցել մանկական ճարպակալման դեմ պայքարին, որը նախաձեռնել էր ԱՄՆ առաջին տիկին Միշել Օբաման: Կշարունակի նա արդյոք հետագայում էլ օգնել խորհուրդներով, դեռ պարզ չէ:
Ընդ որում, Սպիտակ տան այդ խորհուրդների նախկին փաթեթը դարձել էր Միշել Օբամայի եւ Դպրոցական սննդի ամերիկյան ասոցիացիայի միջեւ հրապարակային վեճի պատճառ:
