Հայաստանը կընդլայնի եւ կխորացնի Եվրամիության հետ գործակցությունը: Այդ մասին այսօր՝ դեկտեմբերի 26-ին, մամուլի ասուլիսի ժամանակ հայտարարեց էկոնոմիկայի նախարար Կարեն Ճշմարիտյանը:
Այսպես, 2014թ. Եվրամիության հետ ավարտին են հասցվել 25 մլն եվրո ծավալով Գյուղատնտեսությանը եւ գյուղին սատարելու ծրագրի ֆինանսավորման շուրջ բանակցությունները, ստորագրվել է տեխնիկական աջակցության մասին 4 համաձայնություն՝ 21 մլն եվրո ընդհանուր ծավալով: Աջակցություն կցուցաբերվի մարզերի զարգացման, միջուկային ոլորտում գործակցության եւ սահմանների կառավարման եւ միգրացիայի կարգավորման ոլորտներում:
2014թ. վերջին Ճշմարիտյանի Բրյուսել կատարած այցի շրջանակներում Եվրամիության հետ Հայաստան-ԵՄ գործակցության նոր ձեւաչափի մշակման շուրջ բանակցություններ սկսելու պայմանավորվածություն է ձեռք բերվել: Իսկ նոյեմբերի 4-5-ին Բրյուելում տեղի է ունեցել ըստ ոլորտների առեւտրատնտեսական համագործակցության մասին կարծիքների փոխանակում: Նոյեմբերի 3-6-ին, Բրյուսել կատարած հերթական այցի շրջանակներում Եվրամիության հետ ստորագրվել է 2014-2017թթ. 140-170 մլն եվրոյի չափով աջակցության հուշագիր:
Վերջապես, Եվրահանձնաժողովը շարունակում է Հայաստանի համար GSP+ առեւտրային արտոնությունների համակարգի գործունեության մոնիթորինգի առաջին փուլը: Իրավական համապատասխանության մասին Հայաստանի զեկույցը ընդունելի էր, եւ հանրապետության համար արտոնությունների գործողությունը կշարունավի:
