Երեւանն ամենաարեւելյան կետն է, որ ես երբեւէ գտնվել եմ։ Հուլիսի 13-ին լրագրողների հետ հանդիպման ասաց թուրք կինոռեժիսոր Ֆաթիհ Աքընը։ Նա Երեւան է ժամանել՝ մասնակցելու «Ոսկե ծիրան» 7-րդ միջազգային կինոփառատոնին։
«Առաջին հայացքից ես Երեւանն ընկալեցի որպես շատ համեստ, հյուրընկալ եւ ինչ-որ կախարդական բան պարունակող քաղաք։ Մեծ հետաքրքությամբ եմ ժամանել եւ մեծ սպասումներ ունեմ»,-ասաց նա։ Ռեժիսորին անհարմարություն է պատճառում երեւանյան տապը։
«Երեկ իմ կյանքի ամենաշոգ օրերից մեկն էր»,-նշեց Ֆաթիհ Աքընը՝ հավելելով, որ ավելի շատ լինելու է ոչ թե փառատոնում, այլ քայլելու է քաղաքում։