Հայաստանի ազգային հավաքականի եւ հունական «Օլիմպիակոսի» կիսապաշտպան Գեւորգ Ղազարյանը NEWS.am-ի թղթակից Վերա Մարտիրոսյանի հետ զրուցում պատմել է, որ շարունակում է փնտրել նոր ակումբ: 2014-ի դեկտեմբերին 26-ամյա ֆուտբոլիստը NEWS.am-ի «Մարզադաշտից դուրս» հաղորդման եթերում նշել էր, որ ցանկանում է հեռանալ հունական ակումբից, քանի որ չի ստանում բավականաչափ խաղային պրակտիկա:
«Ես դեռ մնում եմ «Օլիմպիակոսում», բայց փնտրում եմ նոր թիմ: Այդ հարցով դեռ հստակ ոչինչ չկա: Կտեղափոխվեմ, երբ գտնեմ հարմար թիմ: Նախապատվությունը տալիս եմ եվրոպական ակումբներին, իսկ հետո նոր միայն ռուսականներին»,- զրույցում ասաց Ղազարյանը: