Հայաստանի կառավարությունը կարող է մանածագործական ընկերություններին զերծ պահել արժութային ռիսկերից: Այդ մասին NEWS.am-ի թղթակցին հայտարարել է Մարալիկի բամբակամանվածքային ֆաբրիկայի գլխավոր տնօրեն Հակոբ Աղաբեկյանը՝ մեկնաբանելով դեկտեմբերին տեղ գտած արժութային տատանումները եւ ընդհանուր առմամբ, դոլարի նկատմամբ հայկական դրամի փոխարժեքի նվազումը:
Նա հիշեցրել է, որ ընկերությունը թուրքմենական բամբակը գնում է դոլարով: Իսկ հիմնականում պաշտպանական տենդերներից ստացվող եկամուտները, բնականաբար, դրամով: «Որպեսզի մենք կախված չլինենք արժութային ռիսկերից, թե պետությունն ինքը բամբակ ներմուծի եւ աճուրդային հիմքերով այն իրացնի տեղական ընկերություններին: Դա կօգնի նվազեցնել նաեւ ինքնարժեքը. մեծ խմբաքանակների դեպքում միավորին բաժին ընկնող տրանսպորտային ծախսերը նվազում են», - հավելել է Աղաբեկյանը: