ՀՀ Առաջին նախագահ Լեւոն Տեր-Պետրոսյանն, այսօր՝ հունվարի 21-ին, հանդիպել է Հայաստանում Շվեդիայի գործերի հավատարմատար Մարտեն Էնբերգի հետ` վերջինիս նախաձեռնությամբ:
Հանդիպման ընթացքում, հավատարմատարի խնդրանքով նախագահ Տեր-Պետրոսյանը ներկայացրել է Հայաստանի ներքաղաքական հնարավոր զարգացումների վերաբերյալ իր մոտեցումները եւ Հայ ազգային կոնգրեսի առաջիկա անելիքները` հատկապես կարեւորելով Հայաստանում տիրող համակարգային կոռուպցիայի, մարդու իրավունքների եւ ժողովրդավարական ազատությունների շարունակական ոտնահարումների արատավոր երեւույթների վերացումը:
Առաջին նախագահը նաեւ ներկայացրել է իր մոտեցումները տարածաշրջանային խնդիրների, մասնավորապես Լեռնային Ղարաբաղի հակամարտության եւ հայ-թուրքական հարաբերությունների կարգավորման հեռանկարների վերաբերյալ:
