Հայաստանի՝ ԵՏՄ անդամ դառնալուց հետո Ռուսաստանը կարող է դրդել նրան ավելի քիչ առեւտուր անել Ուկրաինայի հետ: NEWS.am-ի թղթակցի հետ զրույցում նման տեսակետ է հայտնել ուկրաինացի տնտեսագետ Բորիս Կուշնիրուկը:
«Դրան կարող են ավելանալ տնտեսական դժվարություններն Ուկրաինայում՝ կապված Ռուսաստանի հետ հակամարտության հետ, որոնք չեն կարող չազդել երկրի արտահանման հնարավորությունների վրա»,- հավելել է նա:
«Ռուսաստանը հայտնի լծակներ ունի Հայաստանին ճնշելու համար: Այդ ազդեցությունը կարող է տարածվել նաեւ արտաքին առեւտրի վրա: Ընդհանրապես, Ռուսաստանը տանել չի կարողանում իրավահավասար հարաբերությունների արտաքին քաղաքականության մեջ եւ ցանկացած կախվածություն ձգտում է վերածել գերության»,-ընդգծել է Կուշնիրուկը:
Նրա կարծիքով, Կրեմլի խաղի կանոններից արդեն տուժել են Ղազախստանն ու Բելառուսը, որոնք իրենց վրա զգացել են Ռուսաստանի ապրանքային էքսպանսիան, սակայն կորցրել են արտահանման մի շարք հնարավորություններ՝ Մոսկվայի ոչ սակագնային սահմանափակումների պատճառով: