Հայաստանի դատական հարկադիր կատարողները ունեցվածքի ստուգումն իրականացնում են պլաշետների օգնությամբ: Այդ մասին այսօր՝ հունվարի 23-ին լրագրողներին հայտարարել է Արդարադատության նախարարության Դատական ակտերի հարկադիր կատարման ծառայության պետ Միհրան Պողոսյանը: Նրա խոսքով՝ դա էականորեն կբարձրացնի աշխատանքի արդյունավետությունն ու արագությունը:
Ծառայությունը շատ պետական մարմինների հետ արդեն առցանց փոխանակվում է փաստաթղթերով: Ամբողջ փաստաթղթավորումը, այդ թվում՝ գույքի կալանքը, այժմ ուղարկում եւ ստացվում է էլեկտրոնային ռեժիմում: Այսպես, ԴԱՀԿ-ն աշխատում է պետական ռեգիստրի, կադաստրի, Հարկային եւ մաքսային ծառայությունների, Կենտրոնական դեպոզիտարիայի, Սոցիալական ապահովման ծառայության, Ոստիկանության անձնագրային-վիզային վարչության, Երեւանի քաղաքապետարանի, ինչպես նաեւ հանրապետության բոլոր առեւտրային բանկերի հետ: «Ես դա բավականին մեծ ձեռքբերում եմ համարում», - հավելել է Պողոսյանը:
ԴԱՀԿ-ն էլեկտրոնային ձեւաչափում աշխատանքը կկազմակերպի նաեւ քաղաքացիների հետ. գանձման ենթակա վճարները կարելի է իրականացնել տերմինալների միջոցով: Դրա համար Ծառայությունը կհամապատասխանեցնի իր հաշիվները հանրապետության վճարային համակարգերի հետ: «Դրա շնորհիվ մեր քաղաքացիները ժամանակ չեն ծախսի մեր բաժանմունքներ այցելելու համար», - հստակեցրել է Պողոսյանը:
