Նոր սերնդի Volvo XC90-ի «գերշքեղ» մոդիֆիկացիան առաջին անգամ կցուցադրեն Շանհայի շոուի ժամանակ, որը կբացվի ապրիլի 20-ին: Այդ ավտոմեքենան վաճառվելու է միայն մի քանի «ընտրյալ» շուկաներում, ընդ որում, հիմնականում Չինաստանում:
Ներկայում XC90-ի համար առաջարկվում է նաեւ R-Design սպորտային փաթեթով տարբերակը: Նախնական տեղեկությունների համաձայն, «գերշքեղ» մոդիֆիկացիայի հետեւի բազմոցին կփոխարինեն երկու առանձին բազմաթոռները՝ էլեկտրական կարգավորման, մերսման եւ ոտքերը դնելու համար շարժական առանձին հատվածով:
Նոր սերնդի սովորական Volvo XC90-ն առաջին անգամ ցուցադրվել է անցյալ տարվա օգոստոսին:
