ԱՄՆ-ի ԿՀՎ ազգային գաղտնի ծառայության ղեկավարը հրաժարական է տվել: ԿՀՎ-ում արդեն հաստատել են այս տեղեկությունը: Ըստ վարչության մամուլի քարտուղար Դինա Բոյդի՝ նա «որոշել է լքել պաշտոնը ԿՀՎ-ում երկար եւ վաստակած կարիերայից հետո»:
Wall Street Journal-ը իրավիճակը բացատրում է գործակալությունում մի քանի բուռն սկանդալներով, որոնք շարունակում են զարգանալ եւ սպառնում են նոր պաշտոնանկություններով: WSJ-ը հիշեցնում է ահաբեկչության մեջ մեղադրվող բանտարկյալների դաժան խոշտանգումների վերաբերյալ Կոնգրեսի քննության արդյունքները հասարակությանը հայտնելու մասին:
ԿՀՎ-ում չեն բացահայտել հրաժարական տվողի անունը, սակայն ըստ The Daily Beast-ի՝ նա Ֆրենկ Արչիբալդն է (Frank Archibald): Նա ԿՀՎ ազգային գաղտնի ծառայությունը գլխավորում էր 2013թ.-ից: Մինչ այդ նա ղեկավորում էր Լատինական Ամերիկայի ԿՀՎ աշխատանքը: Ըստ Associated Press-ի՝ նա նաեւ «մասնակցել է Սերբիայի նախագահ Սլոբոդան Միլոշեվիչին իշխանությունից հեռացնելու գաղտնի գործողությանը»:
Հունվարի 5-ին հայտնի է դարձել, որ ԿՀՎ գլխավոր տեսուչ Դեյվիդ Բաքլին լքում է պաշտոնը: Նրա լիազորությունները կդադարեցվեն հունվարի 31-ին:
