«Գազպրոմն» այլեւս չի փոխհատուցի իր աշխատակիցների եւ նրանց ընտանիքի անդամների՝ հեռավոր արտերկրում եւ երրորդ անձանց պատկանող առողջարաններում հանգստանալու ծախսերը, հաղորդում է «Գազպրոմ տրանսգազ Սուրգուտ» ՍՊԸ-ի կորպորատիվ թերթը: Այժմ գազպրոմցիները հանգստի նպատակներով կարող են ընտրություն կատարել Ռուսաստանի, Բելառուսի եւ Հայաստանի միջեւ:
2014թ. վերջում «Գազպրոմի»՝ 2013-2015թթ. գլխավոր կոլեկտիվ պայմանագրում փոփոխություններ են մտցվել: Պայմանագիրը ամբողջապես բացառում է հեռավոր արտերկրում ինքնուրույն ձեռքբերված ուղեգրերի փոխահատուցումը:
2015թ. հունվարի 1-ից սկսած՝ տարեկան մեկ անգամ աշխատակիցներին կտրամադրվի ծախսերի փոխհատուցում (ներառյալ համատեղ ուղեւորության ժամանակ ընտանիքի անդամների ծախսերը) Ռուսաստանի, Բելառուսի եւ Հայաստանի տարածքներում, ու միայն այն առողջարաններում, հանգստի կետերում եւ հյուրանողներում, որոնք գտնվում են «Գազպրոմ» ՓԲԸ-ի հաշվեկշտում, նրա դուստր միավորումներում եւ կազմակերպություններում:
Հաստատված շարքերում ընդգրկված են Ղրիմի հանրապետության, Սոչիի, Գելենջիկի, Անապայի, ինչպես նաեւ Սվերդլովսկի եւ Օրենբուրգի մարզերում տեղակայված բուժական հիմնարկները:
Պայմանագրի շրջանակներում աշխատակիցների եւ նրանց ընտանիքի անդամներին այդ նպատակով կտրամադրվի 92 հազար ռուբլուց ոչ ավելի (11 նվազագույն սակագնային դրույքներ):